ನಮಸ್ತೆ .. ಬಹಳ ದಿನದ ನಂತರ ನಿಮ್ಮಗಳ ಜೊತೆ ಮಾತಾಡ್ತಿದೀನಿ. ಆದರೆ ಇಷ್ಟು ದಿನ ನಿಮ್ಮ ಜೊತೆ ಮಾತಾಡದೇ ಇದ್ದದ್ದಕ್ಕೆ ಇವತ್ತಿನ ಮಾತಿನ ವಿಷಯವೇ ಕಾರಣ ಅಂತ ನಿಮ್ಮಲ್ಲಿ ಭಾಳ ಜನರಿಗೆ ಗೊತ್ತಿಲ್ಲ ಅನ್ಕೊಂಡಿದೀನಿ. ಸೀದಾ ವಿಷಯಕ್ಕೆ ಬರ್ತೀನಿ ನೋಡಿ :
ಪರೀಕ್ಷಾ ದೃಷ್ಟಿಯಿಂದ ಅನುಕೂಲವಾಗುವಂಥ ಒಂದು ಬ್ಲಾಗ್ ಶುರು ಮಾಡಬೇಕು ಅಂತ ಹೊರಟವನು ನಾಲ್ಕು ಬ್ಲಾಗ್ ಗಳನ್ನ ತಯಾರು ಮಾಡಿ ಅವನ್ನ ಸಂಭಾಳಿಸುತ್ತ ದಿನ ದೂಡ್ತಿದೀನಿ ... ನಿಮಗೆ ಈ ಮುಂಚೆ ಅವುಗಳ ಬಗ್ಗೆ ಹೇಳಿದೀನೋ ಇಲ್ವೋ ನೆನಪಿಲ್ಲ ನಂಗೆ. ಹೇಳಿದ್ರೆ ಒಳ್ಳೇದು. ಹೇಳದೇ ಇದ್ರೆ ಇವತ್ತು ಹೇಳ್ತೀನಿ ಕೇಳಿ.
- ಸ್ಪರ್ಧಾರ್ಥಿ : ಎಲ್ಲ ತರಹದ ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ಅನುಕೂಲವಾಗುವ ಹಾಗೆ ಇದನ್ನ ತಯಾರಿಸೀದೀನಿ. ವಿವಿಧ Optional Subject ಗಳಿಗೆ ಯಾವ ಪುಸ್ತಕಗಳನ್ನ ಓದಬೇಕು, ಮುಂಬರುವ ಹೊಸ ಹೊಸ ಪರೀಕ್ಷೆಗಳು ಯಾವು ಯಾವು ?, ಸಮಗ್ರ ಸಾಮಾನ್ಯ ಜ್ಞಾನ, ಅಂತರ್ಜಾಲ ಲೋಕದಲ್ಲಿನ ಪರೀಕ್ಷಾಸ್ನೇಹಿ ತಾಣಗಳ ಪಟ್ಟಿ, ... ಇತ್ಯಾದಿ ಇದಕ್ಕಿಂತ ಹೆಚ್ಚಿಗೆ ಏನೇನು ನೀಡಬಹುದು ಅಂತ ನನಗೆ ತೋಚದೇ ಇರದಷ್ಟರ ಮಟ್ಟಿಗೆ Varied Topics ಅಲ್ಲಿದಾವೆ. ಇವೆಲ್ಲಕ್ಕೂ ಮಿಗಿಲಾಗಿ ಕನ್ನಡದಲ್ಲಿ ಜ್ಞಾನ ಹಂಚುವ ಕೆಲಸವನ್ನ ಈ ತಾಣ ನಿರ್ವಹಿಸುತ್ತಿದೆ. ನೀವೂ ಕೂಡ ನಿಮಗೆ ತಿಳಿದಿರುವ ನಾಲ್ಕು ಜನರ ಜೊತೆಗೆ ಹಂಚಿಕೊಳ್ಳ ಬಯಸುವ ಯಾವುದೇ ಲೇಖನವನ್ನ ಕಳಿಸಬಹುದು. ಅದನ್ನ ಅಲ್ಲಿ ಪ್ರಕಟಿಸಲಾಗುವುದು. ಇವತ್ತಿನ ದಿನದ ಪ್ರಾರಂಭಕ್ಕೆ ಹೇಳುವುದಾದರೆ 172 ಜನ ಸ್ಪರ್ಧಾರ್ಥಿಗಳು ಪ್ರತಿ ದಿನ ಆ ತಾಣದ ಜ್ಞಾನವನ್ನ email ಮೂಲಕ ಪಡೆಯುತ್ತಿದ್ದಾರೆ. ಅದರ ಅರ್ಥ ನೀವು ಬರೆದು ಕಳಿಸುವ ಒಂದು ಲೇಖನ ಅಲ್ಲಿ ಪ್ರಕಟವಾದರೆ ಕರ್ನಾಟಕದ ಮೂಲೆ ಮೂಲೆಯಲ್ಲಿರುವ 172 ಜನರ mailbox ನಲ್ಲಿ ಸೇರಿ ಅವರಿಂದ ಓದಲ್ಪಡುತ್ತದೆ, ಮೆಚ್ಚುಗೆ - ಟೀಕೆ - ಟಿಪ್ಪಣಿ ಬರುತ್ತದೆ. ಒಂದು ಸಾರಿ ನೀವೇ ಭೇಟಿ ನೀಡಿ. 'ಸಾರ್ಥ' ತಾಣದ Follower ಆಗಿರುವ ಹಾಗೆ 'ಸ್ಪರ್ಧಾರ್ಥಿ' ತಾಣದ Follower ಕೂಡ ಆಗಿ. ಇದು ನನ್ನ Request.
- ಪ್ರಶ್ನೋತ್ತರ : ಕರ್ನಾಟಕದಲ್ಲಿ ನಡೆಯುವ ಎಲ್ಲ ಸ್ಪರ್ಧಾತ್ಮಕ ಪರೀಕ್ಷೆಗಳ ಪ್ರಶ್ನೆಪತ್ರಿಕೆಗಳನ್ನ ಉತ್ತರ ಸಹಿತವಾಗಿ , ಅಲ್ಲಲ್ಲ... ವಿವರಣಾತ್ಮಕ ಉತ್ತರಗಳ ಸಹಿತವಾಗಿ ಸಂಗ್ರಹಿಸುವ ಧ್ಯೇಯದೊಂದಿಗೆ ಈ ತಾಣ ತಯಾರಾಗಿದೆ. ಈಗಾಗಲೇ ಸಾಕಷ್ಟು ಪ್ರಶ್ನೆಪತ್ರಿಕೆಗಳು ತಯಾರಿರುವ ಈ ತಾಣದಲ್ಲಿ ಮುಂಬರುವ ದಿನಗಳಲ್ಲಿ ಸಮಸ್ತ ಪ್ರಶ್ನೆಪತ್ರಿಕೆಗಳನ್ನ ವಿವರಣಾತ್ಮಕ ಉತ್ತರಗಳ ಸಹಿತವಾಗಿ ನಿಮ್ಮ ಮುಂದಿಡುವ ನಿಟ್ಟಿನಲ್ಲಿ ಪ್ರಶ್ನೋತ್ತರ ತಂಡ ಸಿದ್ಧತೆ ನಡೆಸುತ್ತಿದೆ. ಇಲ್ಲಿ FDA, SDA, KAS ... ಹೀಗೆ ಎಲ್ಲ ವಿಭಾಗಗಳ ಪ್ರಶ್ನೆಪತ್ರಿಕೆಗಳನ್ನ ಪರೀಕ್ಷಾವಾರು ಹಾಗೂ ಪರೀಕ್ಷೆ ನಡೆದ ವರ್ಷವಾರು ವಿಂಗಡಿಸಿ ನೀಡಲಾಗಿದೆ. ನಿಮಗೆ ಅನುಕೂಲ ಬರುವ ಹಾಗೆ ಆಯ್ಕೆ ಮಾಡಿಕೊಳ್ಳಿ !!
- e-ನಾಡು ಕನ್ನಡ : ಈಗ KPSC ನಡೆಸುವ ಬಹುತೇಕ ಪರೀಕ್ಷೆಗಳಲ್ಲಿ ' ಸಾಮಾನ್ಯ ಕನ್ನಡ' ಪರೀಕ್ಷೆ ಕಡ್ಡಾಯವಾಗಿದೆ. ಸದರಿ ಪರೀಕ್ಷೆಗಳಲ್ಲಿ ಕೇಳುವ ಸಾಹಿತ್ಯ, ಸಿನೆಮಾ, ಕ್ರೀಡೆ .. ಇತ್ಯಾದಿ ಕೇವಲ ಕನ್ನಡ ಕರ್ನಾಟಕ ಸಂಬಂಧೀ ಮಾಹಿತಿಗಳ ಕಣಜ ಈ ತಾಣ. ಕವಿ - ಕೃತಿ - ಕಾವ್ಯನಾಮ - ಸಂಭಾವನಾ ಗ್ರಂಥ - ಕನ್ನಡದ ಮೊದಲುಗಳು - ಊರು ಪ್ರಸಿದ್ಧಿ ... ಇತ್ಯಾದಿ ಮಾಹಿತಿ ಇಲ್ಲಿ ಲಭ್ಯ. ನೀವೇ ಒಂದ್ಸಾರಿ ಭೇಟಿ ನೀಡಿ, ನೋಡಿ.
- e-ದಿನವಹಿ : ದಿನನಿತ್ಯದ ಪರೀಕ್ಷಾ ದೃಷ್ಟಿಯಿಂದ ಪ್ರಮುಖವೆನಿಸುವ ಘಟನಾವಳಿಗಳನ್ನ ಕನ್ನಡಲ್ಲಿ ಕಲೆಹಾಕಿ ಒಂದೆಡೆ ಬರೆಯುತ್ತಾ ಹೋಗುವ ಹುನ್ನಾರ ಈ ತಾಣದ ಹೀಮದಿದೆ. ಮುಂದೊಂದು ದಿನ ನಿಮಗೆ ಯಾವುದೋ ದಿನದ ಆಗುಹೋಗುಗಳ ಬಗ್ಗೆ ಮಾಹಿತಿ ಬೇಕಾದರೆ e-ದಿನವಹಿ ನೋಡಿದರಾಯಿತು !! ( ಸದ್ಯಕ್ಕೆ ಈ ತಾಣ ನಿರ್ಮಾಣ ಹಂತದಲ್ಲಿದೆ )
ನಿಮಗೆ ಬಿಡುವು ಮಾಡಿಕೊಂಡು ಈ ಎಲ್ಲ ತಾಣಗಳನ್ನ ನೋಡಿ, ಎಲ್ಲ ತಾಣಗಳ Follower ಆಗಿ ... ದಿನವೂ ಸ್ಪರ್ಧಾರ್ಥಿ ನೋಡುವುದನ್ನ ಮರೆಯಬೇಡಿ. ಅದಕ್ಕೆ ದಿನಪತ್ರಿಕೆಯ ಚೈತನ್ಯ ವನ್ನ ನೀಡಲಾಗಿದೆ !!
ಶುಭದಿನ,
ರೇವಪ್ಪ
No comments:
Post a Comment