ಮಂಜು ..

ಮಹತ್ವಾಕಾಂಷೆಯ ಈ ಸುಮಧುರ ತಾಣಕ್ಕೆ ಲಗ್ಗೆ ಇಟ್ಟು, ಈ ತಾಣದ ಸವಿಯನ್ನು ಹೀರುವ ದುಂಬಿಗಳಲ್ಲಿ ಇಂದಿನಿಂದ ನಾನೂ ಒಬ್ಬನಾಗುತ್ತಿದ್ದೇನೆ. ಇಲ್ಲಿಯವರೆಗೂ ಕೇವಲ ಸವಿಹೀರುವ ದುಂಬಿ ಮಾತ್ರ ನಾನಾಗಿದ್ದೆ. ಇಂದಿನಿಂದ ಆ ಸವಿಯನ್ನು ಎಲ್ಲರಿಗೂ ಉಣಬಡಿಸುವ ಮನಸುಗಳಲ್ಲಿ ಒಬ್ಬನಾಗಲು ಇಚಿಸುತ್ತೇನೆ. ನನ್ನ

ಮೊದಲ ಪ್ರಯತ್ನವಾಗಿ ಈ ಕವಿತೆಯನ್ನು ( ವಿಶೇಷತೆ- ಕಂದಪದ್ಯ ಮತ್ತು ಆದಿಪ್ರಾಸ ) ಕಳಿಸುತ್ತಿದ್ದೇನೆ.

ಧನ್ಯವಾದಗಳೊಂದಿಗೆ,

ಮಂಜಪ್ಪ ಜಿ.ಆರ್.

************

ಬರಡು ಜೀವ

ಜೀವ ಜಲವು ಸೊರಗಿದೆ
ಯಾವ ಸ್ವಾರ್ಥದಿಂದಲಿ
ಸಾವೇ ಇಲ್ಲವೆಂದರೂ
ಯಾವ ನೋವಿನಿಂದಲಿ

ನರನತಿಯಾದ ದುರಾಸೆಗೆ
ಧರೆಯು ಧಗಧಗಿಸಿದೆ ಮತ್ತೆಮತ್ತೂ ದಹಿಸಿದೆ
ಮರುಗಿದರೂ ಪರಿವೆಯಿಲ್ಲ
ಮರುಜೀವ ಪಡೆದರೂ ಒಡಲು ಎಲ್ಲ ಒಣಗಿದೆ

ವಿಜ್ಞಾನವೊಂದು ಕಂಡರೂ
ಅಜ್ಞಾನವು ತುಂಬಿ ಒಡಲು ಬಿರಿಯುತ್ತಿರುವ್ರು
ಸುಜ್ಞಾನಿಯಿಂದಲರಿಯದೆ
ಅಜ್ಞಾತವಾಸವಿರುವ ಜಲವ ಬಿಡದಿರುವರು

ಮಂಕು ಕವಿದ ನರಮಾನವ
ಸುಂಕ ತೆರಬೇಕು ಭವಿಷ್ಯದಿ ಎಂಬುದ ಅರಿಯ
ಅಂಕೆಯನು ಮೀರಿ ಬೆಳೆಯುತ
ಬಿಂಕದಿ ನಾಶವ ತಂದರೆ ರಕ್ಷಿಪುದೆ ಧರೆಯು