ಕನಸು ಅರ್ಥ ವ್ಯಾಪ್ತಿಗೆ ದಕ್ಕದಷ್ಟು ವಿಸ್ತೃತವಾ ದ ಬಯಲು.
ಕನವರಿಕೆಗಳನ್ನು
ನನಸಂನಗಿಸಿ ಸಂಭ್ರಮಿಸುವ
ಸುಪ್ತ ಭ್ರಮಾ ಲೋಕ.
ಅಥವಾ
ಕನವರಿಕೆಗಳನ್ನು
ನಕರಾತ್ಮಕವಾಗಿ ವ್ಯಾಕುಲಗೊಳಿಸುವ
ಸುಪ್ತ ಭ್ರಮಾ ಲೋಕ.
- ಈ ಎರಡು ರೀತಿಯ ಸಂಘರ್ಷಗಳು ಸಾತ್ವಿಕ / ತಾತ್ವಿಕ ಹಾಗು ಮಾನಸಿಕ ಹಂದರಗಳಲ್ಲಿ ಒಂದಕ್ಕೊಂದು ಬೆಸೆದುಕೊಲ್ಲುತ್ತಲೇ ನಮ್ಮನ್ನು ವಾಸ್ತವ ರುಪದಲ್ಲಿರುವಂತೆಯೇ ಬೇರೊಂದು ಅ೦ತ ಸ್ವರೂಪಕ್ಕೆ ಕೊಂದೊಯುವ ಅತ್ಯಂತ ಬೆರಗಿನ ಲೋಕ .
ವೈಜ್ಞಾನಿಕವಾಗಿ ಅಥವಾ ಮನೋವೈಧಿಕವಾಗಿ ಯಾವುದೇ ವಿಶ್ಲೇಷಣೆಗಳನ್ನು ನೀಡಿದರು ಸಹ ಮಾನವ ಸಹಜ ಕಲ್ಪನೆಗಳೇ ಎಲ್ಲವನ್ನು ಮೀರಿದ್ದು. ಕನಸು ಭಾವುಕವಾಗಿ ಯಾರ ಕೈಗೂ ಸಿಗದೇ ಸಾಗುವ ನಾಗಲೋಟದ ಹಿಂದೆ ದೇಹ ಮತ್ತು ಮನಸ್ಸುಗಳೆರಡು ಸ೦ಚಲನಗೊ೦ಡು ಅದರ ಪರಿಮಿತಿಯಲ್ಲಿ ಗುರುತ್ವಾಕರ್ಷಣೆಗೆ ಒಳಗಾಗಿ ಸುಪ್ತವಾಗಿ ಸಂಭ್ರಮಿಸುವುದೋ / ಭ್ರಮಿಸುವುದೋ ಆಗಿ ನಮ್ಮನ್ನು ಇನ್ನಷ್ಟು ಹಗುರವಾಗಿಯೋ ಅಥವಾ ಭಾರವಗಿಯೋ ಮಾಡುತ್ತದೆ. ಕನಸನ್ನು refine ಮಾಡಲಿಕ್ಕೋ ಅಥವಾ define ಮಾಡಲಿಕ್ಕೋ ಆಗುವುದಿಲ್ಲವೆಂದೋ ನನ್ನ ಅನಿಸಿಕೆ. ಗಣ್ಯನಾದವನು ಕಾಣುವ ಕನಸು, ವಿಜ್ಞಾನಿಯೋರ್ವ ಕಾಣುವ ಕನಸು, ಹಸಿದವನು ಕಾಣುವ ಕನಸು- ಎಲ್ಲವು ಕೂಡ ತಮ್ಮ ಇರುವಿಕೆಯಿಂದ ಹೊರಬಂದು ನೋಡುವ ಒಂದು ಇಣುಕು ನೋಟವೇ ಆಗಿದೆ.
ನೀರಿನ ಆಳಕ್ಕೆ ಇದುವ ಮೊದಲ ಹೆಜ್ಜೆ, ಬೀಳುವ ನಕ್ಷತ್ರವನ್ನು ಕಂಡ ಮೊದಲ ಗಳಿಗೆ, ಒಮ್ಮೆಲೇ ಅಪ್ಪಳಿಸುವ ಕಡಲಿನ ಅಲೆಗಳು, ನಿರ್ಜನ ಕಾಡಿನ ಕತ್ತಲ ದಾರಿ, ಬೊಗಸೆಯಿಂದ ಜಾರುವ ಕಡಲೆಪುರಿ, ನಿರಾಳಗೆ, ಅಪ್ಪುಗೆ, ಗಾಳಿಯನ್ನು ಕೈಯಲ್ಲಿ ಹಿಡಿಯುವ, ಮೊದಲ ಮಳಿಗೆ ಸಿಕ್ಕಿ ನರ್ತಿಸುವ, ಕೈಗಂಟಿಕೊಂಡ ಬಣ್ಣ, ಹೊಗಳಿಕೆಗೆ ನಾಚುವುದು ಮತ್ತು ಅದನ್ನೇ ಬಯಸುವುದು, ಬಲಿತ ಮರಕ್ಕೆ ಆನಿಕೊಲ್ಲುವುದು.. ಇವೆಲ್ಲವೂ ಕನಸಿನ ಕಾಳುದಾರಿಗಳೇ. ನಾವು ಕಂಡ, ಕೇಳುವ, ಭ್ರಮಿಸುವ, ಸಂಭ್ರಮಿಸುವ ಎಲ್ಲ ಕ್ರಿಯೆಗಳಿಗೂ ಕನಸು ಒಂದು ವೇದಿಕೆ.
ಒಂದು ಕತೆ ಹೇಳಲೇಬೇಕು :
ಅಪ್ಪ ಮತ್ತು ಅವನ ಮೂವತ್ತು ವರ್ಷದ ಮಗ ಇಬ್ಬರು ರೈಲಿನಲ್ಲಿ ಪ್ರಯಾಣಿಸುತ್ತಿರುತ್ತಾರೆ. ಅವರ ಎದುರುಗಡೆ ಹೊಸದಾಗಿ ಮದುವೆಯಾಗಿರುವ ಒಂದು ಜೋಡಿ. ರೈಲು ಸ್ವಲ್ಪ ದೂರ ಚಲಿಸಿದಂತೆ ಮೂವತ್ತು ವರ್ಷದ ಮಗ ಕಿಟಕಿಯಿಂದ ಹೊರಗಡೆ ನೋಡಿ ಚಲಿಸುತ್ತಿರುವ ಮರಗಳನ್ನು ನೋಡಿ ಬೆರಗುಗೊಂಡು 'ಅಪ್ಪ ಅಪ್ಪ ನೋಡಿ ಮರಗಳು ನಮ್ಮ ಜೊತೆಗೆ ಚಲಿಸುತ್ತಿವೆ' ಎನ್ನುತ್ತಾನೆ. ಇದನ್ನು ಕೇಳಿ ತುಸು ಆಶ್ಚರ್ಯಗೊಂಡ ಜೋಡಿ ಅಪ್ಪನ ಮುಖ ನೋಡಿ ತುಸು ನಕ್ಕು ಸುಮ್ಮನಾಗುತ್ತಾರೆ. ಸ್ವಲ್ಪ ಸಮಯದ ನಂತರ ಮತ್ತೆ ಆ ಮಗ ಮೋಡಗಳನ್ನು ನೋಡಿ 'ಅಪ್ಪ ಅಪ್ಪ ನೋಡಿ ಮೋಡಗಳು ನಮ್ಮ ಜೊತೆಗೆ ಚಲಿಸುತ್ತಿವೆ' ಎನ್ನುತ್ತಾನೆ. ಇದನ್ನು ಕೇಳಿ ಇನ್ನಷ್ಟು ಚಕಿತರಾದ ಜೋಡಿ ಅಪ್ಪನ ಕಡೆ ತಿರುಗಿ 'ನಿಮ್ಮ ಮಗನನ್ನು ಆಸ್ಪತ್ರೆಗೆ ಕರೆದೊಯ್ಯಬೇಕು ಎಂದು ನಿಮಗೆ ಅನ್ನಿಸುತ್ತಿಲ್ಲವೇ? ಎಂದು ಕೇಳುತ್ತಾರೆ. ಆಗ ಅಪ್ಪ ಹೇಳುತ್ತಾನೆ 'ಹೌದು ನಿಜ. ನಾವು ಈಗ ತಾನೇ ಆಸ್ಪತ್ರೆಯಿಂದ ಬರುತ್ತಿದ್ದೇವೆ. ನನ್ನ ಮಗನಿಗೆ ಇವತ್ತೇ ಕಣ್ಣು ಬಂದಿರುವುದು' ಎಂದು. ಒಂದು ಕನಸು ಎಷ್ಟೆಲ್ಲಾ ಪ್ರಾಕಾರಗಳನ್ನು ಪಡೆದುಕೊಳ್ಳಬಹುದು ಎಂಬುದಕ್ಕೆ ಈ ಕತೆ ಒಂದು ನಿದರ್ಶನ. ಈ ಕತೆ ನನ್ನನ್ನು ಸದಾ ಕಾಡುತ್ತಲೇ ಇರುತ್ತದೆ.
-ಮಂಜು
No comments:
Post a Comment