ಸ್ಟಂಟು

ಸ್ಟಂಟು

ಮದುವೆ ಅನ್ನೋದೊಂದ್ ನಂಟು
ಇದು ಬರಿ ತಾಳಿ ಕಟ್ಟೋ ಸ್ಟಂಟು

ಹುಡ್ಗ ಬಹಳ ರೀಸೆಂಟು

ಆಗಿತ್ತು ಅವನಿಗೆ ಇಪ್ಪತ್ತೆಂಟು

ಅಂದನು: ''ಹುಡ್ಗಿ ಇರ್ಬೇಕು ಬಹಳ ಡೀಸೆಂಟು,
ಆಗಿರ್ಬೇಕು ಬರಿ ಹದ್ನೆಂಟು."

ಕೊನೆಗಾಯಿತು ಎನ್ಗೇಜ್ಮೆಂಟು
ಶುರುವಾಯಿತು ಅರ್ರೆನ್ಜ್ಮೆಂಟು

ಜೋರಾಗಿ ಮಾಡಿಸಿದರು ಅಡ್ವರ್ಟೈಸ್ಮೆನ್ಟು
ನೆಂಟರು ಬಂದು ಹಾಕಿದರು ಟೆಂಟು

ಕಟ್ಟಬೇಕಿತ್ತು ತಾಳಿಯ ಹೊಡೆಯುವ ಮುನ್ನ ಎಂಟು
ಆದ್ರೆ ಸಮಯಕ್ಸರಿಯಾಗಿ ಹುಡ್ಗ ಆಬ್ಸೆಂಟು

ಹುಡ್ಗ ಒಂತರ ಡಿಫರೆಂಟು
ಬೇಕೆಂದನು ಸ್ಕೂಟರ್ ಅರ್ಜೆಂಟು

ಹೀಗೆ ಮಾಡಿದನು ಮಾವನಿಗೆ ಆಕ್ಸಿಡೆಂಟು
ಆಗ ಮಾವ ಕೊಟ್ಟನು ಅವನಿಗೆ ಕೈತುಂಬಾ ಗಂಟು

ಆಗ ಹುಡ್ಗ :''ಇಷ್ಟೇ ಅಲ್ಲ ,ಇನ್ನೂ ಮುಂದೆ ಉಂಟು "
ಎಂದು ಕೊಟ್ಟನು ಮಾವನಿಗೆ ಶಾಕ್ ಟ್ರೀಟ್ಮೆಂಟು

ಬರುತಿತ್ತು ಅಡಿಗೆಯ ಗಮಗಮ ಸೆಂಟು
ಬಿದ್ದವು ನೂರಾರು ಪ್ರೆಸೆಂಟು

ಮಾವ ಕಟ್ಟಿದ್ದನು ಚೌಲ್ಟ್ರಿಗೆ ರೆಂಟು
ತರಿಸಿದ್ದನು ರಿಸೆಪ್ಷನ್ಗೆ ಕರೆಂಟು

ಹುಡುಗ ಬೋಳಿಸಿದ್ದನು ಮಾವನ ಹಂಡ್ರೆಡ್ ಪರ್ಸೆಂಟು
ಸುಸ್ತಾದ ಮಾವ ತಿನ್ನುತಿದ್ದನು ಶುಂಠಿ ಪೆಪ್ಪರ್ಮೆಂಟು

-ಸಕ್ಕತ್ ಸಚ್ಚಿ